Библиотека

Абанемент вучэбнай і навуковай літаратуры № 1 (ауд. 100) з 17.02.2025г. да 27.02.2025г. прапануе Вам азнаёміцца з выставай літаратуры «Мову родную, край свой любіце», прымеркаванай да Міжнароднага дня роднай мовы, які адзначаецца 21 лютага.

Мова – гэта вялікі народны скарб.

Яе нельга не паважаць, як нельга не паважаць

родны народ.

(І. Мележ)

Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забывацца на сваю мову, не шануе яе..

Родная мова шмат не патрабуе. Але, калі ўжо назваў яе роднай, калі лічыш яе такой для сябе – павінен жа быць перад ёй хоць нейкі абавязак. Ці хоць часам пра яе думаць. Калі хоць палова з тых сямідзесяці чатырох працэнтаў, якія падчас апошняга перапісу назвалі роднай мовай беларускую, падумае аб яе лёсе – значыць, не ўсё яшчэ страчана.